Habari

REFA WA KISOMALI AUAWA KWA KUPIGWA RISASI

on

MWAMUZI  maarufu katika
mchezo wa kandanda nchini Somalia amepigwa risasi na kuuawa karibu na nyumbani
kwake mjini Mogadishu.
Osman Jama Dirah, ambaye
alisimamia mechi za kanda na kimataifa, aliuawa mwishoni mwa wiki iliyopita
wakati  akiondoka msikitini kurejea kwake nyumbani katika mtaa wa
Wardhigley.
Taarifa zinasema wanaume wawili
waliokuwa na bastola walimfatulia risasi mara kadhaa.
Mchezaji wa zamani wa timu ya
taifa ya Somalia Anas Ali Mohamud amenukuliwa akisema aliwaona wauaji wakiondoka eneo la mauaji.
Alisema maofisa wa usalama
walifika eneo hilo baadaye lakini hadi kufikia sasa hawajafanikiwa kuwakamata
wahusika.
Mwandishi wa BBC , Ahmed Adan
alisema kuuawa kwa Osman Jama Dirah ni pigo kubwa sio tu kwa tasnia ya soka
nchini Somalia bali kwa sekta yote ya michezo nchini humo.
Alikuwa miongoni mwa marefa
maarufu zaidi nchini humo tangu kusambaratika kwa serikali kuu miaka 27 iliyopita.

Dirah alifahamika kama mwamuzi
bora zaidi na alihudumu katika kamati ya waamuzi katika Shirikisho la Soka la
Somalia.

Comments

comments

About Saluti 5

Recommended for you

Leave a Reply

Your email address will not be published. Required fields are marked *