Ni zaidi ya tamasha! Ndicho unachoweza kusema kuhusu onyesho la Malaika Band chini ya Christian Bella litakalofanyika leo usiku ndani ya viwanja vya BL Park Tabata Kinyerezi.

Mastaa kibao wa Bongo Movie na Bongo Fleva wamethibisha kushiriki onyesho hilo ambalo ni maalum kwaajili ya utambulisho wa nyimbo tatu mpya za Christian Bella.

Tayari jukwaa kubwa na la kisasa la onyesho hilo limeshakamilika kufungwa tangu Alhamisi usiku, huku taa zenye nakshi nazo zikiwa zimekamilika kufungwa Ijumaa usiku.

Vyoo vya kukodi (mobile toilets) tayari navyo vimeshafikishwa ukumbini hapo ili kupanua wigo wa huduma hiyo muhimu kutokana na matarajio ya kufurika kwa mashabiki wengi.

Mratibu wa onyesho hilo, Issa Mwendapole ameiambia Saluti5 kuwa hakuna mshabiki atakayesimama kwa kukosa kiti. “Kutakuwa na viti na meza za kutosha,” alisema Mwendapole.

Aidha, Mwendapole alisema eneo la VIP ambalo litalipiwa kiingilio cha shilingi 20,000 litakuwa na meza kubwa na viti vya kisasa ambavyo vyote vitanakshiwa na vitambaa vyeupe na visafi. Kiingilio kwa viti vya kawaida ni shilingi 10,000.

Meneja wa BL Park, Michael Masota naye amesema usalama utakuwa ni wa hali ya juu kwa mashabiki na mali zao, huku vinywaji vya kila aina, nyama choma na vyakula mbali mbali vikiwa ni sehemu ya huduma muhimu zitakazotolewa.
 Hivi ndivyo jukwaa la show ya Christian Bella lilivyokuwa linaonekana Ijumaa usiku baada ya kukamilika kufungwa
 Moja ya vyoo vya kukodi vikiwasili BL Park Ijumaa jioni
Hivi ndivyo kinavyoonekana choo cha kukodi kwa ndani



USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac