Habari

ZANZIBAR STARS WAANIKA RATIBA YAO SIKUKUU YA EID EL HAJJ

on

ZANZIBAR Stars Modern Taarab
imetangaza ratiba yake ya maonyesho katika shamrashamra za Sikukuu ya Eid El
Hajji ambapo siku ya Idd Mosi watakuwa Tanga Motel, jijini Tanga kwa kiingilio
cha sh. 10,000.
Bosi wa Zanzibar Stars, Juma
Mbizo amesema kuwa Idd Pili bendi yake itamwaga burudani kwenye kiwanja cha
maraha cha Dar Live, Mbagala Zakheem ambapo kiingilio chake kimepangwa kuwa sh.
7,000.
“Septemba 3, mwaka huu
tutaunguruma tena Dar Live ambapo tutakuwa tukimsindikiza Christian Bella na
Malaika Music Band, huku Dullah Makabila, Pam D na MC Dalada wakialikwa
kunogesha,” amesema Mbizo.

Mbizo amesema kuwa wamejipanga
vilivyo kuhakikisha wanakonga kisawasawa nyoyo za mashabiki watakaohudhuria
shoo zao zote hizo, kwa kumwaga burudani itakayoacha simulizi. 

Comments

comments

About Saluti 5

Recommended for you

Leave a Reply

Your email address will not be published. Required fields are marked *