Mmoja wa waimbaji wenye sauti tamu na waliofanikiwa kuliteka soko la muziki wa dansi mwanzoni mwa miaka ya 2000, Waziri Sonyo anadaiwa kumchoma kisu mwimbaji mwenzake Rama Igwe.

Tukio hilo limetokea mjini Arusha wiki iliyopita ambapo kupitia mtafaruku baina ya waimbaji hao wawili kupitia, ikadaiwa Sonyo akamchoma kisu mwenzake na kumjeruhi vibaya.

Wasanii wote wawili waliweza kufanya mahojiano na Radio TK FM ya Tanga kupitia kipindi cha Afro Dance kinachoongozwa na Rajab Mohamed “Rogie Kiss” ambapo wote walikiri kuwepo kwa tukio hilo.

Wakati Rama Igwe akisema alichomwa kisu, Sonyo amesema sio kisu bali ni chupa na kwamba alikuwa akijibu mashambulizi ya Rama.

“Rama alinikimbiza hadi kwenye bustani na kunirushia chupa ikanijeruhi jichoni na mimi nikaishika chupa ile ile na kumpelekea nayo kujibu mashambulizi,” alisema Sonyo katika mahojiano yake na TK FM.

Isikilize clip yao hapo chini ambapo mwanzo utamsikia Rama Igwe na kisha mwishoni utamsikiliza Waziri Sonyo kama walivyoongea na TK FM kupitia Afro Dance.



 Waziri Sonyo
 Rama Igwe alivyokuwa ametota damu
 Rama Igwe alijeruhiwa shingoni na kuvuja damu nyingi

USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac