CHELSEA YAKUBALI KUMUUZA COSTA KWA PAUNI MILIONI 57 KWA ATLETICO MADRID


Chelsea imekubaliana na Atletico Madrid kuhusu uhamisho wa pauni milioni 57.5 wa mshambuliaji Diego Costa utakaomwezesha mshambuliaji huyo mtukutu kurejea Hispania na kuichezea timu yake ya zamani.

Atletico imesema kuwa mchezaji huyo mwenye umri wa miaka 28 ambaye aliondoka katika klabu hiyo na kujiunga na Chelsea 2014 atafanyiwa vipimo vya afya siku chache zijazo.

Hata hivyo hawezi kuichezea Atletico hadi mwezi Januari wakati adhabu ya klabu hiyo ya kutoruhusiwa kufanya usajili itakapokuwa imemalizika.

Costa raia wa Hispania mzaliwa wa Brazil, alijiunga na Chelsea kutoka Atletico Madrid kwa kitita cha pauni milioni 32 miaka mitatu iliopita.

Aliifunga mabao 58 katika mechi 120 za Chelsea ikiwemo mechi 10 za Ligi Kuu ya Englad  msimu uliopita ambapo Chelsea waliibuka mabingwa

No comments