Habari

MAJERUHI GODFREY MWASHIUYA APANIA KUREJESHA MAKALI YAKE

on

KINDA wa timu ya Yanga, Godfrey
Mwashiuya ambaye alikuwa moto wakati anasajiliwa amesema kuwa hivi sasa
anaendelea vyema na yupo mbioni  kurejesha
makali yake.
Mwashiuya amekuwa akisumbuliwa
na jeraha la goti lililomuweka nje ya kikosi kwa muda mrefu.
Wakati anatua Yanga akitokea
timu ya Kimondo FC alikuwa moto kiasi cha mashabiki kuanza kumfananisha na
winga aliyekosa mfano hapa
nchini, Edibily Lunyamila anayefanya kazi ya uchambuzi wa michezo hivi sasa.
“Nimeandaliwa program  maalumu ya mazoezi na benchi la ufundi na
kadri siku zinavyozidi kwenda nimekuwa nikizidi kuimarika, naamini muda si mrefu
nitarejea kwenye ubora wangu,’’ alisema Mwashiuya.
“Napata sapoti kubwa kutoka
kwa kocha na benchi la ufundi kwa kipindi chote nilichokuwa nikisumbuliwa na
jeraha lakini sasa naona kuna kila dalili ya kukaa sawa,’’ aliongeza.
“Ukiwa kama mchezaji shauku
yako ni kuona unapata nafasi ya kucheza mara kwa mara lakini unapokaa nje ya
kikosi kwa sababu ya jeraha huwa inaumiza kidogo,’’ alimaliza

Comments

comments

About Saluti 5

Recommended for you

Leave a Reply

Your email address will not be published. Required fields are marked *