Manchester United imetangaza faida ya pauni milioni 81 na mapato ya pauni milioni 581 kwa kipindi cha fedha cha 2017 ambayo ni rekodi mpya. 

Katika mwaka mmoja baada ya kushinda kombe la Europa League na EFL klabu hiyo imetia saini kandarasi 12 za ufadhili huku mapato ya matangazo pamoja na yale yanaopatikana wakati wa mechi yakiongezeka.

Klabu hiyo ilifaidika kutoka kwa ongezeko la mapato ya televisheni wakati wa kipindi cha 2016-17 ikiwa ndio mwaka wa kwanza kati ya mitatu ya makubaliano ya matangazo ya televisheni.

Mnamo mwezi Juni tarehe 30 mapato ya matangazo yaliongezeka hadi pauni milioni 194 kutoka pauni milioni 140 mwaka mmoja kabla ikiwa ni ongezeko la asilimia 38.

Msimu huu Manchester United  imerudi katika Ligi ya Mabingwa barani Ulaya, hatua inayotarajiwa kuzidi kuinufaisha klabu hiyo kimapato.

USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac