Habari

MBOTO AWASHUSHUA WANAODAI BONGOMUVI IMEPOTEZA MWELEKEO

on

MKALI wa muvi za Kibongo ambaye
ni hodari kwa kuvunja mbavu, Haji Salum “Mboto” ameendelea kupingana na wale
wanaodai kuwa tasnia ya filamu imepoteza mwelekeo kwa kusema kuwa fani hiyo
bado iko katika ubora wake.
Akiongea na Saluti5, Mboto
amesema kuwa wanachoshindwa kutofautisha watu wengi ni uwezo mdogo wa uandaaji
wa baadhi ya wasanii na ulipuaji katika kazi hiyo anayodai kwamba kwa sasa
imevamiwa na watu wengi wasio na uwezo nao.
“Filamu Bongo bado iko katika
chati na maneno kwamba imepoteza mwelekeo ni ya kujifurahisha tu ambayo baadhi
ya watu wamekuwa wakizungumza, hasa wanapokosa la kufanya,” amesema Mboto.

“Lakini ukweli ndo huo ila
kinachotakiwa kwetu wasanii wa muvi ni kuzidisha umoja na mshikamano na
kuhakikisha tunaepuka kuandaa kazi za “zima moto” ili kujitengenezea heshima
ambayo imeanza kupwaya,” ameongeza. 

Comments

comments

About Saluti 5

Recommended for you

Leave a Reply

Your email address will not be published. Required fields are marked *