Habari

MMILIKI WA KISUMA BAR AFARIKI DUNIA …ngome ya Talent Band, Msondo na Sikinde

on

Mmiliki wa Kisuma Traders inayomili bar kibao za Kisuma zinazoongoza kwa
‘kuukarimu’ muziki wa dansi Fulgence Urio (pichani) amefariki ghafla Jumatatu
usiku.
Kifo cha Urio ni pigo kubwa kwa muziki wa dansi hasa kutokana na
ukweli kuwa amekuwa mfadhili wa bendi na wasanii wengi wa dansi akiwemo gwiji
Hussein Jumbe.
Akiongea na Saluti5, Hussein Jumbe ambaye bendi yake ya Talent hupiga
kila wiki kwenye bar za Kisuma Bar alisema Jumatatu asubuhi alikutana na Urio
na kufanya naye maongezi marefu ofisini kwake akiwa mzima wa afya.
“Tuliongea mambo mengi, ikiwemo nia yake ya kutaka kumzawadia Said
Mabela kwa kudumu kwake Msondo Ngoma kwa muda mrefu, lakini nilishtushwa usiku
nilivyoambiwa Urio amefariki, anaeleza Hussein Jumbe.
Talent Band hupatikana Kisuma Bar Temeke Mwembeyanga kila Ijumaa na
Jumapili huku Sikinde wakiwa hapo kila Jumamosi, bila kusahau Msondo ambayo
hutumbuiza hapo kila Alhamisi.
Kwa upande wa Kisuma Bar iliyopo Mbagala Sabasaba, Talent Band
hupatikana kila Jumamosi huku pia ikipatikana Kisuma ya Mbagala Rangi tatu kila
Alhamsi. Msondo wao hupatikana Kisuma ya Sabasaba kila Ijumaa.

Comments

comments

About Saluti 5

Recommended for you

Leave a Reply

Your email address will not be published. Required fields are marked *