Habari

ATHUMAN MACHUPA AIPA DARASA SIMBA SC

on

SIMBA wanaongoza Ligi Kuu ya
soka Tanzania Bara na kuonekana wako vizuri, lakini kama kweli wanataka
kuchukua ubingwa wa Ligi Kuu ya soka Tanzania bara wanatakiwa kukomaa na kila
mechi iliyoko mbele yao.
Hayo ni maoni ya mshambuliaji
wa zamani wa Wekundu hao, Athuman Machupa ambaye amesema kwamba usajili ambao
Simba umeifanya ni mzuri lakini wanatakiwa kucheza na nidhamu wakati wote hadi
mwishoni mwa Ligi kwasababu Ligi Kuu ina ushindani mkubwa.
“Watu wasiibeze Yanga na
kuiondoa kwenye nafasi ya kugombania ubingwa kwa sababu bado wapo kwenye nafasi
nzuri lakini Simba wamesajili vizuri na hadi sasa wanaongoza Ligi kitu ambacho
kitawapa kujiamini kwa sababu wame-miss ubingwa kwa muda mrefu, kuongoza kwao
Ligi kutawaweka kuwa tayari kwa kila mchezo,” amesema Machupa.
Mshambuliaji huyo wa zamani wa
timu ya taifa pia “Taifa Stars” ametaja timu anazodhani zitamaliza katika
nafasi za nne za juu kwenye msimamo wa Ligi Kuu ni Simba, Yanga, Singida United
na Azam.
“Ukiangalia mwenendo wa Ligi
Kuu mpaka sasa inaonyesha timu zimejiandaa vizuri, tunaweza tukaona viwango
vizuri zaidi na nimeshtushwa kuwaona Singida wapo pale kutokana uzoefu tulionao
kuhusu timu zinazopanda kucheza Ligi Kuu.
Machupa amesema kwamba anaona kuna
mabadiliko kwenye Ligi na angependa kuona kiwango cha soka la Tanzania
kinapanda lakini kuanzia kwenye ngazi ya vilabu.
“Kwa kawaida Tanzania tumezoea
kuona Yanga, Simba na Mtibwa ndio zinapambania Ubingwa lakini mwaka huu inatupa
sura kwamba kuna timu nyingi zinaweza kuwania taji la Ligi kama Singida, Azam,
Mtibwa, Yanga na Simba,” amesema Machupa ambaye baada ya
kutamba sana na Simba alikimbilia barani Ulaya katika nchi ya Sweden ambako
amechezea vilabu kadhaa.

Comments

comments

About Saluti 5

Recommended for you

Leave a Reply

Your email address will not be published. Required fields are marked *