Habari

IDD MORRO ACHEKELEA MAISHA MAPYA RIVER ROAD MUSIC BAND

on

IDD Morro ambaye ni kati ya
waimbaji mahiri wa muziki wa dansi, ameonekana kufurahia maisha akiwa katika
bendi mpya ya River Road Music Band inayoongozwa na mkung;utaji ngoma mahiri
Bongo, Chacha Tumba.
Hivi karibuni, Idd ambaye
chimbuko lake ni bendi ya Moro International, aliipa kisogo bendi ya Kibaha
Carnival akiwa na wanamuziki wenzie wengine wote waliokuwa wakiunda kundi hilo,
kutokana na kile kilichoelezwa kuwa ni maslahi kiduchu.   
Akiongea na Saluti5, Idd amesema kuwa anajiona yuko huru zaidi wakati huu, hasa
kutokana na kuridhika na ladha ya maslahi mazuri aliyoanza kuipata ndani ya
bendi hiyo.
“Maisha sasa ni matamu ndani ya
River Road tofauti kabisa na ilivyokuwa kule Kibaha Carnival Band, si unaona
ndugu yangu naanza kutoka shavu na kitambi?” alisema Idd akimweleza ripota
wetu huku akitabasamu kuonyesha furaha.

Comments

comments

About Saluti 5

Recommended for you

Leave a Reply

Your email address will not be published. Required fields are marked *