Habari

NIYONZIMA AOMBA MUDA ZAIDI SIMBA SC

on

KIUNGO fundi wa Simba na
nahodha wa timu ya taifa ya Rwanda, Haruna Niyonzima “Farbegas” amedaiwa kuomba
muda upya wa kujifua ili kuwa katika hali yake ya kawaida.
Habari zinasema kwamba Haruna
ameambiwa makocha wa Simba kwamba anataka kujinoa zaidi na kwamba ikibidi
wameweke benchi kwanza kwenye mechi kadhaa hadi awe timamu zaidi.
Chanzo kimoja kinasema kwamba
ni kweli Haruna anataka muda wa kujiweka fiti zaidi kwani amekuwa akicheza
chini ya kiwango chake, hata hivyo sababu kubwa ikiwa ni majeruhi na baadaye
kupatwa na homa.
“Ni kama Haruna hataki kabisa
lawama kwenye mechi ijayo ya Yanga, anataka kucheza akiwa fiti kwa asilimia 100
ili awaoneshe Yanga kwamba kuchoma jezi yake walikuwa wanampa Baraka zaidi.” 
“Unajua Haruna ni mchezaji
anayejitambua. Sio kwamba analilia tu kucheza, lakini ameona kwamba kuna tatizo
kwake. Anachofanya sasa ni kujiweka fiti zaidi ili aweze kusaidia timu,”
kimesema chanzo hicho.
Baadhi ya mashabiki wa Simba
wamekuwa wakisema kwamba kocha wa Simba amekuwa akichezesha Mnyarwanda huyo
huku akiwa hajawa timamu na kumfanya kucheza chini ya kiwango.
Lakini mtoa habari huyo amesema
kwamba Niyonzima yeye ameomba muda wa kujifua zaidi, kwasababu hata
yeye mwenyewe anaomba kwamba hayuko kwenye kiwango chake anachokitaka.
Kama kocha wa Simba, Joseph Omog
atakubalina na ushauri wa Haruna maana yaani kwamba kiungo huyo anaweza kukosekana
kwenye mechi mbili za Ligi Kuu, lakini anaweza kuwa timamu zaidi kwenye mechi
dhidi ya mwajiri wake wa zamani, Yanga.

Kiungo huyo alisaini Simba
kutoka kwa mahasimu wao wakubwa Yanga huku akiacha simanzi kubwa kwa
wanajangwani hao ambao walijawa na jazba mpaka wakachoma jezi namba nane
aliyokuwa akiivaa Yanga.

Comments

comments

About Saluti 5

Recommended for you

Leave a Reply

Your email address will not be published. Required fields are marked *