WALLACE KARIA ATOA SALAMU ZA POLE MISIBA YA WANAFAMILIA WA SOKA

RAIS wa Shirikisho la mpira wa miguu Tanzania (TFF), Wallace Karia, amepokea kwa mshtuko na masikitiko makubwa taarifa ya vifo vya wanafamilia wawili wa soka vilivyotokea oktoba 5, 2017 kwa nyakati tofauti.

Taarifa ambazo TFF imezipita zinasema waliofariki dunia siku hiyo ni aliyekuwa mchezaji wa timu ya Taifa ya Tanzania “Taifa Stars” Zanzibar “Zanzibar Heroes” pamoja na Afrika mashariki miaka ya 1950 na 1960 Abdul Majiham na mwamuzi wa daraja la kwanza anayechezesha Ligi Kuu ya Vodacom Tanzania Bara, Mirambo Tshikungu.

“Hakika nimepokea kwa masikitiko makubwa taarifa za vifo hivi. Ni mshtuko mkubwa sana katika familia ya mpira wa miguu hapa Tanzania, natambua pia ni majonzi makubwa kwa familia za marehemu,” amesema rais Karia.

“Niombe tu kwa familia, ndugu, jamaa, marafiki na majirani kuwa watulivu katika kipindi hiki cha msiba. Wawe na moyo wa subiri baada ya ndugu zetu kutangulia mbele ya haki kwa kuwa Mwenyezi Mungu ni mwingi wa rehema, basi basi na tumuombe awe na msamaha kwa ndugu zetu,” amesema.

Abdull Majhan aliyefariki dunia huko visiwani Zanzibar ni mchezaji wa zamani wa klabu ya Vikokotoni ya visiwani Zanzibar, pia aliyepata kuichezea Klabu Bingwa ya kwanza ya  Tanzania, Cosmopolitan ya Dar es Salaam.

Kuhusu Tshikungu, TFF imepokea taarifa inayosema kwamba alifariki dunia Oktoba, 2017 katika hospitali ya Ikonda iliyoko Wilaya ya Mateke mkoani Njombe alikokuwa akitibiwa.

Mwenendo wa uchezaji wake ulikuwa na tija kwani rekodi zinaonyesha kwa uchezaji wake ni mkubwa kuchezesha msimu uliopita ulikuwa ni kati ya Majimaji ya Songea na Young Africans ya Dar es Salaam uliofanyika uwanja wa Majimaji mkoani Ruvuma.

No comments