Habari

AZAM FC YAACHANA NA MGHANA YAHYA MOHAMMED

on

PINGU iliyofungwa na klabu ya
Azam FC na Mghana Yahya Mohammed imevunjika rasmi baada ya pande zote mbili
kumalizana mezani.
Afisa habari wa Azam, Jaffar
Idd Maganga amesema kwamba klabu imeachana na mchezaji huyo rasta baada ya
kutoridhishwa na uwajibikaji wake kwenye timu.
“Tulikaa mezani tukakubaliana
kuachana kwa amani baada ya sisi kama klabu kutoridhishwa na mchango wake kwetu, hivyo kuanzia sasa yuko huru,”amesema Jaffar.
Nyota huyo alisajiliwa Azam kwa
matarajio makubwa mwezi Juni mwaka jana kwa dau la dola za Kimarekani, 100,000
zaidi ya sh. Mil 220 kutoka Aduana Stars ya kwao.
Ni moja kati ya wachezaji
watano wa Ghana waliosajiliwa Azam FC wakati huo wengine ni Daniel Amoah, Enoch
Atta Agyei Medema SC, Samuel Afful kutoka Sekondi Hasaacas na Yukubu Mohammed
kutoka Aduana Stars  pia.
Mwanzoni mwa msimu, Azam
ilimtema Afful na kumsajili kipa Mghana pia, Razak Abaslora kutoka klabu ya
Wafa ya kwao.

Jaffar amesema baada ya
kuondolewa na Yahya kocha Mromania Aristica Cioaba amepewa jukumu la kumsajili
mshambuliaji mwingine.

Comments

comments

About Saluti 5

Recommended for you

Leave a Reply

Your email address will not be published. Required fields are marked *