Habari

PRISONS YAFUKUZA MWIZI KIMYAKIMYA LIGI KUU TANZANIA BARA

on

TIMU ya Tanzania Prisons ya Mbeya
haipewi nafasi kubwa ya kutwaa ubingwa wa Ligi Kuu Tanzania bara lakini kwa
mwenendo wa mechi zake za hivi karibuni na alama walizojikusanyia ni kama
wananyatia ubingwa kimyakimya.
Juzi Prinsons walifanikiwa
kuwafunga Ruvu Shooting kwa bao 1-0 katika mchezo uliopigwa kwenye uwanja wa
Sokoine mjini Mbeya kupitia bao lililowekwa wavuni na Mohammed Rashid dakika ya
19.
Bao la Mohammed Rashid
linawafanya kufikisha alama 13 ambazo ni sawa na timu ya Singida United, huku
wakiwa wameachwa alama tatu na vinara wa Ligi, Simba, Yanga, Azam na Mtibwa
Sugar wenye pointi 16 kila mmoja.
Lakini pia mfungaji wao pamoja
na kutozungumzwa sana ameshafikisha idadi ya mabao matano sawa na mshambuliaji
wa Yanga, Ibrahim Ajib huku wakimfukuzia kwa karibu staa wa Simba, Emmanuel
Okwi mwenye mabao nane.
Kwenye msimamo, Prisons
wanaonekana wapo nafasi ya tano lakini kwa pointi hawapo mbali na timu nne za
juu zinazowania ubingwa Tanzania Bara.

Ligi Kuu itaendelea tena kesho
Ijumaa ambapo Majimaji FC watakuwa wenyeji wa Stand United.

Comments

comments

About Saluti 5

Recommended for you

Leave a Reply

Your email address will not be published. Required fields are marked *