Habari

AMISSI TAMBWE AANZA KUJIPENDEKEZA KWA GEORGE LWANDAMINA

on

MSHAMBULIAJI
wa timu ya Yanga, Amissi Tambwe raia wa Burundi ni kama ameanza kujipigia upatu ili
aingizwe moja kwa moja kwenye kikosi cha George Lwandamina baada ya kupona
majeraha yake aliyopata visiwani wakati wa maandalizi ya msimu mpya.
Tambwe
amenukuliwa akisema kuwa yuko fiti asilimia zote na haioni sababu ya kuwekwa
benchi kwa sababu shauku yake ya kucheza ni kubwa baada ya kukaa nje kwa muda
mrefu akijiuguza.
Wakati
Tambwe akionyesha shauku ya kutaka kuanzishwa kikosi cha kwanza, kinda Nkomolo
hana presha baada ya kuhakikishiwa nafasi ya uhakika kuanza kucheza.
Lwandamina
amesema kwamba amemfuatilia Yohana Nkomolo kwa muda mrefu na kubaini ni mchezaji
mwenye msaada mkubwa katika kikosi chake.
Nkomolo
amecheza Yanga mechi moja tu tena ya kirafiki dhidi ya timu ya Police Dar es
Salaam lakini Lwandamina amedai kukoshwa na mwenendo wa kijana huyo kuanzia
kwenye program za uwanjani hadi jimu.
“Ni
kijana mdogo akili yake inafundishika, anakamata mambo haraka, ni mwepesi
anaweza kutusaidia katika ratiba za mechi zinazofuata,”alisema Lwandamina.

Nkomolo
alisajiliwa na Yanga kwenye dirisha dogo la usajili akiwa sambamba na beki
Mkongomani Feston Kayembe.

Comments

comments

About Saluti 5

Recommended for you

Leave a Reply

Your email address will not be published. Required fields are marked *