Habari

AUDIO: PATA KIBAO “MPENZI ZARINA” CHENYE HISTORIA NDEFU KWA HASSAN BITCHUKA

on

WIMBO “Mpenzi Zarina” wa Msondo
Ngoma ambao umerekodiwa mwaka 1978 unaweza kuwa na historia ndefu kwa mtunzi
Hassan Bitchuka, hasa kwavile alimtungia mkewe aliyenaye hadi sasa wakiwa
wamezaa na kujukuu huku pia mwenyewe akisisitiza kuwa ndio tungo bora zaidi kwa
upande wake.
Ala za upepo zilizopulizwa
kiufundi zaidi na Joseph Lusungu, Betto Julius na Zito Mbunda ndio
zinaouanzisha wimbo huu ambao waimbaji wake ni Muhiddin Gurumo, Juma Akida,
Lusungu na mwenyewe, Bitchuka.
Katika tungo hii Bitchuka
anmevaa uhusika wa mwanaume aliyetorokwa na mpenziwe waliyeishi nae kwa muda
mrefu na kuachwa kwenye dimbwi zito la wasiwasi kutokana na kumtafuta sana bila
mafanikio.

Dokta Said Mabela amesimama
imara kwenye gitaa la Solo la wimbo huo huku Rhythm ikiwa imecharazwa na Abdallah
Omary na Agay Kauzeni kwenye gitaa zito la Bass, ambapo ngoma ndogo ni ufundi
wake Mabruk Halfani na Mohammed Atuf kwenye Tumba.
Na huu ndio wimbo uliobeba albamu hiyo yenye nyimbo nane, nyingine zikiwa ni “Selemani”, “Epuka Tabia Mbaya”, “Mwana Acha Wizi”, “Uzuri si Shani”, “Sogea Karibu”, “Vijana Tujitokeze”,  na “Talaka”.

Comments

comments

About Saluti 5

Recommended for you

Leave a Reply

Your email address will not be published. Required fields are marked *