JUMA KATUNDU WA MSONDO NGOMA AKUMBUSHA “UDUGU MALI YA MUNGU”

MMOJA wa viongozi waandamizi na mwimbaji tegemeo ndani ya Msonmdo Ngoma Music Band, Juma Katundu amewaandalia mashabiki wake zawadi ya mwaka mpya 2018, ambayo ni kete iitwayo “Udugu mali ya Mungu”, imefahamika.

Akiongea na Saluti5, Katundu amesema kuwa “Udugu Mali ya Mungu” ni kibao anachoamini kwamba kitateka vilivyo nafsi za mashabiki kutokana na kukitunga umakini mkubwa huku kikiwa kimesheheni mashairi yenye ujumbe mzito.

“Hii ni kama zawadi ya mwaka mpya wa 2018 kwa mashabiki wa Msondo Ngoma baada ya kukaa kimya kwa muda mrefu kidogo sasa nimeamua kuwaletea kitu balaa,” ametamba Katundu.

Amesema kuwa hivi sasa anamalizia kukiandaa kibao hicho kabla hajakiwasilisha mazoezini na kuanza kukipika rasmi wakiwa pamoja na wanamuziki wenzie wa Msondo Ngoma.

No comments