Habari

ZAHIR ALLY ZORRO AIPA USHAURI WA BURE SERIKALI… ataka eneo la Jangwani ligeuzwe “City Park”

on

MVUA ndogondogo zinazoendelea kumwagika jijini
Dar es Salaam hivi sasa zimeonekana kumtisha mkongwe wa muziki Bongo, Zahir
Ally Zorro ambaye amekuja na wazo binafsi kwa serikali ya Tanzania.
Zorro ameiomba serikali akiwa raia mwandamizi,
kuligeuza eneo la Jangwani kuwa bustani kubwa ya jiji ambayo itapandwa aina
kadhaa za miti adimu, huku mto Msimbazi ukipanuliwa kama ule mfereji mpana wa jijini
Mwanza.
“Sina hakika zaidi kuhusu ule mfereji wa
Mwanza, lakini nadhani ulijengwa enzi ya ukoloni maana kila mafuriko yanapotokea
milima ya Mabatini hupita humo kiasi cha kupunguza maafa ambayo yangetokea
katikati ya jiji la Mwanza,” amesema Zorro.
“Tujenge kama City Park ya New York au Bays Water
London ambapo nina hakika wakati wa kiangazi itazalisha kipato kwa jiji. Tuweke
Wanyama wadogowadogo humo kama vile swala pamoja na burudani za kifamilia,”
ameongeza mkongwe huyo.

“Tokea nimezaliwa Mwanza yamepita mafuriko kama
manne lakini madhara hayakuwa makubwa sana. Lakini kwa hapa Dar es Salaam, tangu
nipo mdogo, kipande cha barabara kutokea Faya mpaka Mapipa au Shibam huwa na matengenezo
kila miaka mitano au sita!”

Comments

comments

About Saluti 5

Recommended for you

Leave a Reply

Your email address will not be published. Required fields are marked *